Осуден: Таткото што го стави синот во перална и ја вклучи доби 30 години робија
Французинот кому тригодишниот син му почина откако го стави во машина за перења е осуден на затворска казна од 30 години, објавија денеска француските медиуми.
36-годишниот Кристоф Шампноа во ноември 2011 година го турнал стигодишниот син Бастијан во перална и потоа ја вклучил, наводно за да го казни за лошото однесување,
Мајката на детето, 29-годишната Шарлен Кот на инспекторите им рекла дека составувал слагалица кога го слушнала детето како вреска од пералната, а таткото сурфал на интернет. Мајката исто така е осудена на затворска казна од 12 години заради „помагање и поддржување на убиство и злоставување“.
Кот рече дека кога нејзиниот, сега веќе поранешен сопруг го извадил Бастијан од пералната и забележал дека не дише, рекол; Сега повеќе нема да ни смета. Мајката повикала брза помош и рекла дека има мал проблем и дека синот им паднал по скалите.
Тој подоцна рекол дека го бањал детето и дека најверојатно се удавило зошто вода му излегувала од носот. Постарата сестра на жртвата во време на убиството имала 5 години, на лекарите им рекла дека таткото го ставил Бастијан во пералната зошто бил немирен, и тоа го тврдела до крајот на истрагата.
Во текот на истрагата полицајците дознаа дека таткото не го сакал малиот Бастијан и дека над него спроведувал остри казни по што детето станувало се понервозно и дома и во градинка, а меѓу другото го заклучувал и во плакар.
Ново на Сител
-
Јапонската туристка што падна кај Канео во стабилна состојба
-
Пожарот во Визбегово локализиран, ЦУК бара решавање на проблемот со дивата депонија
-
Мицкоски: Судот утврди дека Славјанка Петровска ширела лаги и клевети против мене
-
Зголемена фреквенција на возила на ГП Табановце, се чека од 30 до 45 минути
-
Иран го забранува Старлинк, се заканува со затвор и камшикување за корисниците
-
Пожар кај селото Јосифово, побарана воздухопловна поддршка
-
13-годишник со нож го прободел својот малолетен роднина
-
Тешко повреден возач на електричен тротинет, удрил во отворена врата на запрено возило