Оставката поднесена, Котевски останува директор до завршување на изборите
Директорот на затворот во Шуто Оризари, Ѓоко Котевски ја поднесе најавената оставка, но тој ќе остане да ја извршува функцијата до завршување на претседателските избори.
Од Владата вчера информираа дека ја констатирале оставката, но оти таа ќе биде разгледана по завршување на претседателските избори бидејќи е поднесена во период кога веќе се објавени изборите и кога не може да се прават разрешувања и именувања.
– Со оглед на тоа што оставката е поднесена во период откако се објавени претседателските избори, истата ќе се разгледува по завршување на изборите, штом заврши забраната за разрешување и именување согласно Изборниот законик, соопштија од Владата.
И самиот Котевски во изјава за МИА потврди дека ги поднел до Владата оставката и извештајот за инцидентите и оти привично биле покренати дисциплински постапки против 11 лица кај кои биле утврдени пропусти во постапувањето, но оти оваа бројка не е конечна.
Дисциплинските постапки се покренати против лицата кај кои се констатирани пропусти и прекршувања на протоколите за работа од страна на службата за обезбедување.
Како резултат на тие пропусти, како што посочија вчера од Владата, бил овозможен првиот вербален и физички инцидент, а подоцна не бил спречен вториот вебрален и физички инцидент, иако постоеле можности за превенција.
Од друга страна, опозициската ВМРО-ДПМНЕ преку нејзиниот портпарол вчера повторно побара политичка и кривична одговорност за инцидентите во затворот во кои беа повредени нејзини членови – поранешните министри Миле Јанакиески и Спиро Ристовски.
Инцидентите во Истражниот затвор се случија на 21 февруари кога беа нападнати притворените поранешни министри Миле Јанакиески и Спиро Ристовски по што премиерот Зоран Заев побара оставка од директорот Котевски.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување