Осомничен за разбојништво во Куманово не почитувал мерки на претпазливост, побаран притвор
Основното јавно обвинителство Куманово поведе постапка против лице осомничено за разбојништво кое не ги почитувало мерките на претпазливост, информираше денеска ЈОРСМ.
Основното јавно обвинителство Куманово води постапка против едно лице за кривично дело – Разбојништво од член 237 став 4 во врска со став 1 од Кривичниот законик.
По предлог на јавниот обвинител, Основниот суд во Куманово со решение од 30 јули определи мерки на претпазливост против осомничениот 31-годишник.
Мерките вклучуваат привремено одземање на патна и на друга исправа за преминување на државната граница и забрана за употреба на личната карта за преминување на границата, како и обврска на осомничениот да се јавува повремено на определено службено лице или кај надлежен орган.
Меѓутоа, СВР Куманово достави известување до обвинителството дека осомничениот на 08 август годинава во вечерните часови сакал да оствари излез од државата со лична карта, односно се обидел да ја премине државната граница на граничниот премин Долно Блаце и покрај изречената мерка на претпазливост.
Бидејќи осомничениот очигледно не се придржувал кон определната мерка за обезбедување присуство, што укажува на реална опасност тој да се даде во бегство, надлежниот јавен обвинител му предложи на судот да се укинат дадените мерки на претпазливост за осомничениот и да се заменат со мерка притвор, наведуваат од обвинителството.
Ново на Сител
-
ЈП Комунална хигиена - Скопје: Oтстранети диви депонии на пластичарска улица и во населбата Топаана
-
Претрес во Гевгелија, пронајдена дрога
-
АП Брера Струмица дебитира во младинската Лига на шампиони
-
Грција ќе забрани издавање нови дозволи за краткорочно изнајмување во центарот на Атина
-
Втор уписен рок за прва година на УКИМ, слободни места има на речиси сите факултети
-
Во Брисел продолжува дијалогот меѓу Белград и Приштина
-
Бразилски политичар удрил друг со стол за време на дебата
-
Влада: Исплаќаме 1 милијарда денари за заостанати субвенции од претходната влада