Османи – Линхарт: Реафирмирана силната и конзистентна австриска поддршка на европските интеграции на Северна Македонија
Во Република Северна Македонија и во нашето европско досие лежи клучот за деблокирање на целиот регион, бидејќи по редот на нештата оттука треба да отпочне деблокадата, преку почеток на пристапни преговори со Северна Македонија и Албанија. Ова ќе ги охрабри и другите држави од регионот, да ги затворат отворените прашања, а со интенција целиот регион да се движи во европски правец, истакна денеска шефот на дипломатијата Бујар Османи на средбата со австрискиот сојузен министер за европски и меѓународни работи, Михаeл Линхарт.
Како што соопшти МНР, целта на посетата беше да се реафирмира силната и конзистентна австриска поддршка на европските интеграции на нашата земја и во тој контекст министрите разменија мислења за перспективите за нашето европско досие, а воедно стана збор и за внатрешно политички актуелности во Северна Македонија.
– Посетата на министерот Линхарт имаше и силна економска компонента со оглед на фактот дека беше придружуван и од економска и бизнис делегација. Австрија преставува еден од најголемите инвеститори во земјава, а географската близина, комплементарноста на двете економии, но пред сѐ одличните политички односи создаваат потенција за уште поинтензивна економска соработка. За време на посетата беше одржан и бизнис настан со цел натамошно унапредување на трговската соработка и искористување на инвестициските можности и презентација на програмата „Re Focus Austria“, која има за цел промоција на австриските компании во повеќе области, особено во областа на обновлива енергија, дигитална економија и инфраструктура, се наведува во соопштението.
Министрите, воедно дискутираа и за претстојното претседавање на нашата земја со ОБСЕ во 2023 година и можностите за идна соработка, во овој контекст.
– Солидарниот пристап во сузбивањето на ковид-пандемијата, илегалната миграција и други прашања од меѓународен карактер беа дополнителни теми на разговор на средбата, се додава во соопштението на МНР.
Ново на Сител
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан