Османи: Како што Србија изгуби во Косово, Русија ќе изгубат и во Украина
Претседателката на Косово, Вјоса Османи порача дека, „онака како што Србија не успеа да ги постигне своите цели во Косово и другите земји од поранешна Југославија, исто така и Русија нема да успее во Украина“, јави дописникот на МИА од Приштина.
Во објава на нејзината страница на „Фејсбук“, Османи информира за дискусиите што ги имала на Самитот Украина-Југоисточна Европа во Дубровник, што се одржа вчера.
-Агресорот никогаш не треба да биде награден со земјата на жртвата! Како што не успеаја во Косово, Хрватска, Словенија и Босна и Херцеговина, варварските сили нема да успеат ниту во Украина. Слободата и демократијата секогаш ќе триумфираат, напиша Османи.
Таа вели дека на самитот во Хрватска истакнала оти лекциите од минатото нé потсетуваат дека акомодирањето на агресорите никогаш не носи траен мир.
-Вчера, пред другите лидери на Самитот Украина-Југоисточна Европа во Дубровник, нагласив дека лекциите од минатото не потсетуваат дека акомодирањето на агресорите никогаш не носи траен мир. Нашата солидарност со народот на Украина е длабоко вкоренета во болното искуство на нашиот народ. Затоа, ќе продолжиме да го поддржуваме правото на украинскиот народ на слобода, суверенитет и територијален интегритет. До победа!, напиша Османи.
Претставниците на 12 земји од Југоисточна Европа доцна вчера ја усвоија Декларацијата на Самитот за Украина во Дубровник, на кој учествуваше и украинскиот претседател Володимир Зеленски, осудувајќи ја руската агресија и поддржувајќи го суверенитетот и територијалниот интегритет на Украина.
Ново на Сител
-
Времен сообраќаен режим на две делници на автопатот А1
-
Реката Ламбро се излеа во близина на Милано
-
Мицкоски: Владата е партнер на синдикатите и работодавачите, продолжуваме со соработка
-
Тошковски - Дачиќ: Скопје и Белград ќе ја продлабочуваат соработката за намалување на метежот на граничните премини
-
Рафаел Надал со емотивно видео стави крај на својата кариера
-
Шведската полиција истражува вооружен инцидент во близина на израелска фирма во Гетеборг
-
Поскапува мазутот, цените на бензините и на дизелот не се менуваат
-
Пронајдени мигранти од Непал, приведени две лица на Табановце, судија ги протера од државата на една година