Османи ја водеше третата сесија на Министерскиот состанок на ОБСЕ
– Министерот за надворешни работи Бујар Османи, во капацитет на иден претседавач со ОБСЕ, денеска ја водеше третата пленарна сесија на 29-тиот состанок на Министерскиот совет на ОБСЕ, што од вчера се одржува во Лоѓ, Полска, соопшти МНР.
Османи изрази задоволство од продуктивниот тек на разговорите за време на годинашниот Министерски совет и потенцираше дека Северна Македонија е подготвена да го преземе својот дел од одговорноста, имајќи ја привилегијата да биде претседавач со оваа Организација.
– На овој пат и нашите успеси и неуспеси ќе бидат ваши. Денешните тешки времиња бараат решителност и посветеност. Затоа, би сакал да ја искористам оваа прилика, да го повикам секој од вас да преземе и критична одговорност, рече Османи.
Шефот на дипломатијата, како што наведува МНР, ги покани министрите за надворешни работи на земјите учеснички на ОБСЕ на идниот Министерски совет кој ќе се одржи во Скопје.
-Потенцираше дека предизвиците на ОБСЕ регионот и иднината на Организацијата се значаен повод да се седне околу оваа маса и да се засилат заедничките напори во име на принципите од Хелсинки до кои сите се придржуваат земјите учеснички на ОБСЕ, информира Министерството за надворешни работи.
Ново на Сител
-
Тема на денот со Јован Деспотовски
-
ВМРО-ДПМНЕ обвинува дека ДУИ и СДСМ го уништуваат здравството и во последните денови од владеењето
-
Продолжуваат преговорите за влада меѓу ВМРО-ДПМНЕ и Вреди, учеството на Знам неизвесно
-
СДСМ се подготвува за нов лидер
-
Нов хаос на Клинички, цела ноќ ќе нема вода - операции не се прават и во кумановската болница
-
ФЕД нема да ги намали каматите, ЕЦБ ќе почне од следниот месец
-
Холанѓаните пристигнуваат - Охридскиот аеродром раздвижен
-
ЦУК со иницијатива до Град Скопје