Општина Струмица и УНДП ја продлабочуваат соработката
За досегашната соработка, позитивните резултати од веќе реализираните проекти и за можностите од продлабочување на односите денеска разговараа вршителот на должност градоначалник на Струмица Костадин Костадинов и постојаниот претставник на УНДП и координатор на ОН во Македонија Луиза Винтон.
Како што беше речено, досега со финансиска помош на УНДП се реализирани голем број проекти, меѓу кои и ангажирањето лични асистенти за децата со посебни потреби.
- Ангажирање лични асистенти за лицата со посебни потреби кои се во редовен образовен процес, пријателски библиотеки за сите граѓани, реконструкција на библиотеката „Благој Јанков Мучето“, помош при вработување млади и невработени лица, се само дел од проектите, рече Костадинов, изразувајќи благодарност за соработката, но и очекување идни проекти кои, како што нагласи, би биле од суштинско значење за граѓаните.
Одличната соработка меѓу УНДП и Општина Струмица ја потенцираше Винтон.
- Струмица и УНДП работат на сите области на кои УНДП работи во државата, почнувајќи од заштитата на животната средина, социјалната вклученост и доброто управување. Соработката веќе дава резултати во заштитата на животната средина, на водите на реката Струмица и во заштитата од поплавите на регионот и во иднина ќе работиме заедно да им помогнеме на фармерите да воведат поодржливи мерки на производство, рече Винтон.
И од УНДП очекуваат заедно со Општината да продолжат со проектот во Бања Банско за да им овозможат на лицата со посебни потреби подобро вклучување во животот.
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни