Општина Кисела Вода додели уште 45 ваучери за новороденчиња
45 ваучери за новороденчиња денес додели општина Кисела Вода. Од нив 24 беа за машки, а 21 за новородени женски дечиња.
Со тоа бројот на ваучери со еднократна парична помош кои оваа локална самоуправа редовно ги доделува за своите нови жители се искачи на 1391.
Се работи за проект од програмата од социјалната сфера на општина Кисела Вода, донесена по предлог на градоначалникот Билјана Беличанец-Алексиќ, а едногласно поддржана од Советот на општината. Истиот има за цел да им помогне на новите родители од овој дел на градот за оние први потреби кои доаѓаат заедно со новороденчето и ги опфаќа семејствата каде двата родитела се со живеалиште на територија на општина Кисела Вода, или едниот, во случај на самохран родител.
Заедно со барањето тие треба да достават на увид важечки лични карти или други исправи за лична идентификација, извод од матична книга на родените за новороденчето, како и фотокопија од трансакциона сметка. Рокот за поднесување на барањата е 90 дена, од моментот на раѓање на детето.
Доделувањето на ваучери со еднократна парична помош ќе продолжи ќе се запази се до истекот на мандатот на градоначалникот Беличанец-Алексиќ.
Ново на Сител
-
Новата дрога „Јелоу зуши“ пристигна и во Албанија
-
Села: Најавите дека пратеници од Европски фронт ќе прејдат во владејачкото мнозинство се лага и специјална активност на службите
-
Путин со пет услови за завршување на војната во Украина
-
Мицкоски: Целокупната тендерска документација за набавката на униформи за полицијата ќе се стави на увид на јавноста
-
Во Грција уапсен македонски државјанин баран од германските власти за убиство
-
Неготинец пријавил измама од тетовец за работа во странство
-
Мицкоски: Оперативниот план за вработување опфаќа над 16 илјади граѓани, 65 проценти од нив млади до 29 години
-
АЕК бара нов термин за реваншот со Алкалоид