Опозицијата во Република Српска бара повторување на изборите за претседател, тврди дека Додик извршил изборна кражба
– Неколку илјади демонстранти се собраа вечерва во Бања Лука на покана на опозициските партии барајќи повторени избори за претседател на Република Српска, сомневајќи се дека на нивната кандидатка Јелена Тривиќ и се украдени гласови во корист на лидерот на владејачката СНСД, Милорад Додик.
Протестот го организираа Партијата за демократски напредок (ПДП) и Српската демократска партија (СДС) по објавувањето на наводните докази за злоупотреби на изборите одржани во неделата.
Според податоците на Централната изборна комисија (ЦИК), по пребројувањето на мнозинството гласови, актуелниот српски член на Претседателството на БиХ, Милорад Додик, води во трката за претседател на ентитетот Република Српска со 28.336 гласа пред кандидатката на здружената опозиција Јелена Тривиќ.
-Ние ќе ја продолжиме оваа борба. Немам право да се заморам од ова. Нема да се заморам. Мислевте дланка да не искрадете дланка со дланка, како досега и да продолжите. Е веќе нема да биде како порано, рече Тривиќ во говорот пред насобраните.
Претседателот на ПДП, Младен Бореновиќ, побара да се отворат сите вреќи со изборниот материјал и повторно да се одржат изборите за претседател на Република Српска.
-Нека му се каже јасно на народот зошто краделе и дека тие што ја украдоа и ја сменија изборната волја на граѓаните треба да одговараат, рече Бореновиќ.
Насобраните на митингот во центарот на Бања Лука извикуваа „Миле крадецу“, „Победа, победа“.
Јелена Тривиќ, висок функционер на ПДП, во неделата прогласи изборна победа, а истото го направи и лидерот на СНСД, Милорад Додик.
Во Бања Лука, ПДП дури организираше прослава во центарот на градот. Меѓутоа, официјалните резултати му дадоа голема предност на Додик.
Ново на Сител
-
Пронајдена експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар