Околу 88 илјади бегалци од Германија користеле бесплатен курс за изучување на јазикот

Околу 88 илјади бегалци во Германија досега користеле бесплати курсеви за јазик, овозможени од Федералната агенција за труд, јави ДПА. 

- Пријатно сум изненаден од таа голема бројка, изјави Рајмунд Бекер од раководството на Агенцијата. 

Тој додаде дека тоа е доказ за високата мотивација на бегалците да научат германски јазик и нивната желба да се интегрираат.

Според податоците на Агенцијата над две третини од бегалците, кои ги посетувале курсевите се Сиријци. 

Службата за миграција исто така нуди курсеви за интегрирање во германското општество за мигрантите, чии барања за азил се одобрени, но Агенцијата за труд им нуди такви курсеви на сите мигранти, независно од статусот на барањето за азил.