Околу 5.500 бегалци дневно ја минуваат македонско-грчката граница

Околу 5.500 мигранти, од кои повеќето Сиријци, дневно ја минуваат границата меѓу Грција и Македонија во правец кон богатите земји од северна и западна Европа, изјави претставник на грчка хуманитарна организација, јави БТА.

- Околу 60 отсто од тие мигранти се Сиријци, изјави Василис Царцанис, член на локална организација, која им пружа помош на мигрантите.

Според невладината организација „Лекари на светот“, мнозинството од мигрантите сакаат да стигнат до Германија или скандинавските земји.

Северното грчко село Идомени до границата со Македонија е главниот пункт за преминување на тие мигранти.