Огромна змија долга повеќе од два метри е пронајдена на балкон во Драчево
Огромна змија долга повеќе од два метри е пронајдена во двор на тераса во Драчево, дознава порталот „24 инфо“. Сопствениците велат дека утрово биле многу непријатно изненадени од ненадејниот посетител. Тие тврдат дека станува збор за некој тип на змија отровница.
За детали, од „24 инфо“ се јавиле во Зоолошката градина во Скопје од каде им рекле дека змијата не е опасна.
Јорданчо Милошевски, биолог во Скопската зоолошка градина градина вели дека змијата е Dolichophis caspius, или народски жолт смок.
-Пролет е време вообичаено кога се појавуваат змии. Станува збор за многу неопасен тип на змија поради која не треба да се крева паника. Воопшто не е опасна по здравјето на луѓето. Колку што можам да оценам од фотографијата станува збор за возрасна единка. Луѓето треба само да ја избркаат со некој стап. Обично бега од луѓе и галама, вели Милошевски. Според него не станува збор за некој опасен тип на змија отровница и граѓаните не треба да се вознемируваат бидејќи ја има во урбана средина.
Според податоците кои може да се најдат за неа оваа змија е најголемата во Европа. Обично достигнува должина од 140 до 160 см, но има и примероци долги по 200 см. Најголемата забележана била долга 250 сантиметри. Не е отровна и претежно е активна преку ден. Главата продолжува кон телото со дебел врат. Има округли зеници, 19 реда мазни лушпи во средината на телото (иако ретко се среќаваат по 17). Грбните лушпи имаат по две пори на задниот раб. Средишниот дел на лушпата има посветла боја. Грбната страна од телото е сивокафеава и има белези што се јасно изразени во младоста, но избледнуваат кога единката ќе стане возрасна. Стомачната страна на телото е светложолта или бела.Жолтиот смок се храни со мали цицачи, гуштери, птици и други змии. Иако не е отровна, оваа змија важи за жестока, бидејќи каса веднаш и без предупредување. Се смета за благотворна во земјоделството бидејќи јаде глодари кои се штетни за културите.
Ново на Сител
-
Нетанјаху ја распушти воената влада
-
Приведен криумчар на мигранти
-
ЈП „Комунална хигиена“: Масовно непрописно исфрлање отпад во близина на контејнерите во Скопје
-
Активен пожар во Негорци, регистрирани 15 пожари на отворено во изминатото деноноќие
-
198 санкционирани возачи во текот на изминатиот викенд на подрачје на СВР Битола, 84 за брзо возење
-
Тешко повредено едно лице, откако возило излетало на железничка пруга
-
Англија со победа го започна ЕП – Белингем и пресуди на Србија
-
Комплетиран предлог составот на новата влада, гласањето најавено за 22 и 23 јуни