Официјално: Изборите во Косово ќе се одржат на 6 октомври
Претседателот на Република Косово Хашим Тачи попладнево донесе одлука за прогласување на предвремените парламентарни избори во земјата, а како датум на нивно одржување го одреди 6 октомври.
Во одлуката на Тачи, доставена до медиумите од сттрана на неговиот кабинет, се наведува дека е побарано од Централната изборна комисија да ги преземе потребните дејствија за организирање на изборниот процес.
– Поаѓајќи од уставните и законските одговорности, претседателот Тачи донесе одлука вонредните избори за Собранието на Република Косово да се одржат на 6 ноември 2019 година. Од Централната изборна комисија е побарано да ги преземе сите потребни дејствија за организирање и одржување на изборите за Собранието на Република Косово, согласно оваа одлука и законодавството кое е на сила, се вели во соопштението од кабинетот на Тачи.
Откако на 19 јули годинава премиерот Рамуш Харадинај поднесе оставка на функцијата, пратениците во косовското Собрание минатиот четврток, на 22 август, со двотретнско мнозинство ја изгласаа одлуката за самораспуштање на законодавниот дом. Декретот за распуштање на овој, шести по ред, парламентарен состав, Тачи го потпиша претпладнево и најави дека мошне бргу ќе го објави и датумот за одржување на предвремените избори.
Ново на Сител
-
Седница на централното претседателство на ДУИ
-
23 години од убиството на бранителите кај Карпалак
-
Претседателството на ДУИ заседава во Мала Речица
-
Тема на денот со Љуљзим Фаризи
-
Претседателството на ДУИ заседава во Мала Речица
-
Експертите сметаат дека ветингот е само „пр“ алатка на политичарите
-
МВР: Нема кривична одговорност кај Гаши, власта тврди дека нема ни политичка
-
АЕК: Со трет мобилен оператор ќе поефтинат услугите