Одлуката за казна на Сити може да доведе до хаос во Премиер лигата
По секоја веројатност, Манчестер Сити ќе мора да почека додека не ја разбере конечната одлука на КАС во врска со казната на клубот. Во овој момент, јасно е дека на клубот му е забранет настап на европските клупски турнири во рок од 2 години, а според „Мирор“, конечната одлука ќе стане јасна за два месеци.
Англичаните поднесоа жалба во случајот до Спортскиот арбитражен суд, но нејзиното разгледување беше одложено поради ситуацијата со КОВИД-19. Рочиштето ќе започне во понеделник и ќе се одржува три дена, но конечната одлука најверојатно ќе биде одложена за два месеци.
И тоа ќе доведе до хаос околу пласманот во Премиер лигата. Доколку овој рок стане факт, нема да биде јасно до самиот крај на сезоната дали петтото место ќе обезбеди пласман во Лигата на шампионите, токму поради казната на „граѓаните“.
Во моментот, оваа позиција е окупирана од Манчестер Јунајтед, но во борбата за место во Топ 5 влегуваат и екипите на Вулверхемптон, Шефилд Јунајтед, Арсенал и Тотенхем.
И УЕФА и Манчестер Сити вршат притисок за конечната одлука да биде објавена во најбрзо време.
Ново на Сител
-
Велика Сабота - денот меѓу смртта и воскресението
-
Одбележување 121 година од смртта на Гоце Делчев
-
Посебен сообраќаен режим денеска во Скопје
-
Русија тврди дека Украина го нападнала Крим со американски ракети
-
СЗО: Копнен напад врз Рафа ќе доведе до крвопролевање
-
Четириесет и четири години од смртта на Јосип Броз Тито
-
Состојба на патиштата
-
Променливо облачно со повремени врнежи од дожд