Од денеска се наплаќаат пластичните кеси во Грција
Грција од денеска ги укинува бесплатните пластични кеси во супермаркетите и продавниците, а со тоа ќе се усогласи со европските правила за заштита на животната средина. Потрошувачите за кесите ќе треба да платат 4 евроценти, додека, пак, од 2019, оваа цена, ќе се зголеми на 9 евроценти.
Според грчката организација за рециклирање, како што јавува дописникот на МИА од Атина, само во 2015, годишната потрошувачка на пластични кеси била меѓу 242 и 363 парчиња по лице, додека во 2010 во цела Европа биле употребени 98.6 пластични кеси.
Според податоците на Гринпис- Грција, секоја година во Грција се користат 4.3 милијарди пластични кеси, 2 милијарди пластични шишиња за вода и сокови и 300 милиони пластични чаши за кафе.
До вчера, освен во еден познат синџир германски супермаркети, кесите секаде во Грција беа бесплатни, а од денеска потрошувачите треба да пазаруваат или со платнени торби или да платат за пластична кеса.
Ново на Сител
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје
-
Остин: Нема индиции дека Хамас планира напад врз американски војници во Појасот Газа
-
„Цитроен“ удрил во електричен тротинет, повредени двајца малолетници
-
РБГ: Расте индексот на слободата на медиумите во Македонија