Од денес почнува примената на Шенгенските правила на аеродромите во Хрватска
Аеродромите во Хрватска се подготвени да ги применат шенгенските правила, кои започнаа на полноќ. Не очекуваат гужва или застој на првиот ден, а бидејќи е и почеток на летниот ред на летови, повеќето најавуваат зголемување на сообраќајот, достигнување и надминување резултатите од рекордната 2019 година.
Како на патните гранични премини, така и на аеродромите, примената на шенгенскиот режим значи слободен проток на патници кои доаѓаат од тоа подрачје без гранични пасошки контроли. Ова ги прави многу меѓународни летови домашни, така што односот на повеќето аеродроми ќе биде приближно 70 до 30 проценти во корист на домашните летови.
Тоа значи и дека патниците кои летаат од Хрватска или за Хрватска од хрватските и европските аеродроми нема да поминат низ контрола на личните документи, туку само преку безбедносни проверки и потоа влегување во авионот.
За примена на Шенген, најголемиот аеродром во Хрватска, загрепскиот „Фрањо Туѓман“, инвестираше уште еден милион евра во работи за адаптација на просторот, очекувајќи дека преминот низ аеродромот ќе биде полесен и побрз за патниците кои патуваат или доаѓаат од земјите членки на Шенген.
Работите за адаптација кон Шенген опфатија промени на позициите на кабините за контрола на патните исправи, кои се поместуваат од третиот на вториот кат, како и нивно намалување за заминувањето на патниците бидејќи очекуваат помал патнички сообраќај на меѓународните летови во споредба со домашните. Ги проширија и коридорите за патници до мостовите за качување на домашните летови, како и приспособија различни аеродромски системи, сигнализација и друго.
Ново на Сител
-
Сиљановска - Давкова од Тирана: Посериозна препрека е билатерализацијата на интегративниот процес од самите балкански соседи
-
MEF25: Енергетската транзиција е политички, економски и генерациски предизвик
-
ФПН во Белград, по анонимна и лажна дојава за бомба: Никој да не биде во зградата на факултетот на 17 јуни
-
Г7 договори нацрт-изјава за Израел и Иран, но Трамп најверојатно нема да ја потпише
-
Муцунски: Работиме на засилување на динамиката на средби со официјална Софија
-
ЕХФ му изрече двегодишна суспензија на грчки АЕК, парична казна за Алкалоид
-
При израелски напад погодена иранската државна телевизија
-
Захарова: САД ја откажаа средбата со Русија за нормализирање на работата на дипломатските мисии