Објавени конкурсите за манифестацијата „100 илјади поети за промена“
Манифестацијата „100.000 поети за промена“, во соработка со здружението „Контекст – Струмица“ распиша поетски конкурс за годинашното издание. Поезијата со која ќе може да конкурираат автори од сите генерации треба да биде социјално ангажирана и да разработува теми кои се поврзани со промените, глобално, но и локално.
Секој автор може да учествува со по една песна. Песните треба да се испраќаат на Фејсбук-профилот на манифестација или на мејлот poetizapromena@gmail.com најдоцна до 15 септември годинава, по што ќе бидат разгледани од комисија одредена од организацискиот одбор на манифестацијата и здружението. Селектираните автори ќе бидат застапени во зборникот „100 илјади поети за промена“ – Македонија, што ќе биде издаден во склоп на манифестацијата.
Манифестацијата „100.000 поети за промена“, во соработка со здружението „Контекст – Струмица“ распиша и конкурс за дизајнерско решение на постери/плакати кои ќе бидат дел од групна изложба во рамки на фестивалот. Постерите/плакатите тематски можат да бидат насочени кон глобалните промени, литературата, одржливиот развој, мирот.
Дизанерските решенија може да се испраќаат на истите адреси најдоцна до 20 септември годинава, по што ќе бидат разгледани од комисијата којашто ја одредуваат организацискиот одбор на манифестацијата и здружението. Пристигнатите дела ќе бидат изложени за време на изложбата која е дел од манифестацијата „100 илјади поети за промена“, на 26 септември годинава во Струмица.
Манифестацијата „100.000 поети за промена“ е од меѓународен карактер и се одржува во повеќе светски и европски земји. За оваа година веќе има најавено 500 настани во над 100 земји во светот.
Ново на Сител
-
Над 340.000 пензионери од денеска ќе добиваат повисоки пензии за 2500 денари
-
За седум дена санкционирани 116 непрописно паркирани виозила на територија на општина Центар
-
Шекеринска - Соренсен: Континуираната соработка меѓу НАТО и ЕУ е клучна за стабилноста на Западен Балкан
-
Објавен Конкурсот за упис во средните училишта за учебната 2025/2026 година
-
Трамп ја спореди пресудата на Ле Пен со своите судски процеси
-
Затворени училиштата на неколку грчки острови поради невремето
-
Најмногу дожд во Берово и Виница, врнежите продолжуваат и денеска
-
Шкендија длабоко жали за жртвите во Кочани и се оградува од неодговорно однесување на поединечни навивачи