Нуланд: САД ги отфрлаат сите опции кои вклучуваат две држави за Кипар
Само процес предводен од Кипраните, двете зони и двете заедници, може да донесе мир и стабилност на Кипар, вели американската потсекретарка за политички прашања Викторија Нуланд.
– САД отфрлаат какво било решение за Кипар во кое би биле вклучени две држави, како што предложи деновиве турскиот претседател Реџеп Таип Ердоган, рече Нуланд.
На прашањето за време на собраниското сослушување дали американската администрација ја отфрла таквата опција, таа рече: „Да, апсолутно“.
„Ние веруваме дека само процес предводен од Кипраните, двете зони и двете заедници, може да донесе мир и стабилност на Кипар“, рече таа.
За време на посетата на северниот, турски дел на Кипар, Ердоган рече дека „не може да се постигне никаков напредок во преговорите, ако не се прифати дека има два народа и две држави“ на островот.
Кипар е поделен помеѓу Република Кипар, членка на Европската унија, која има власт во јужниот дел на островот и самопрогласената Турска Република Северен Кипар, прогласена во 1983 година, што е призната само од Турција.
Преговорите за судбината на Кипар се во застој од 2017 година.
Во април, обидот за повторно започнување на разговорите во организација на Обединетите нации, кои ја следат тампон-зоната помеѓу двата дела на островот, заврши неуспешно.
Ново на Сител
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син