Нов напад од грчката анархистичка група „Рубикон“, двајца приведени
Со бои, флаери и предмети, околу 10 членови на анархистичката група „Рубикон“, ја нападнаа зградата на општина Алимос во јужниот дел на Атина.
Според грчките медиуми, во нападот што бил околу шест часот утрово приведени се две лица, а причинета е материјална штета на објектот.
Како што јави дописничката на МИА од Атина, преку соопштение на анархистички сајт, од „Рубикон“, детално и опширно објаснуваат дека причината за нападот било тоа што на 16 ноември, возач на општинската комунална служба го загубил животот додека бил на неговото работно место под неразјаснети околности, но и дека „во изминатите три години речиси 50 вработени во општините го загубија животот, а околу 150 беа повредени, многу од нив сериозно, а причините се јасни“.
-Денешната активност е во рамки на првиот светски ден на акција во кој учествуваме заедно со други анархистички и автономни групи од 15 земји во над 60 градови од целиот свет, велат од „Рубикон“ на крајот од соопштението.
Како што е веќе пракса за нив, заедно со соопштението, на анархистичкиот сајт објавија и видео од нападот на општинската зграда.
Ново на Сител
-
Лишен од слобода возач во Штип, управувал возило со 2,27 промили алкохол во крвта
-
Сиљановска-Давкова во телефонски разговор со Зеленски изразила поддршка на напорите за крај на војната
-
Од 1 јули ќе почне првото намалување на царинските тарифи за 50 отсто
-
Возач удрил 13-годишно девојче и избегал од местото на настанот
-
37-годишна жена два пати физички нападната во Скопје од својот сопруг во текот на еден ден
-
Тепачка помеѓу 6 лица во Ѓорче Петров, употребувани тврди предмети и оштетени две возила
-
Кривична за двајца полициски службеници, дозволиле да застарат 14 дела за тешки кражби
-
Мицкоски: Имаме организиран пристап и ќе продолжиме да помагаме на семејствата на настраданите во кочанската дискотека