Зигмар Габриел: Германија може да земе половина милион мигранти годишно
Германија може да земе најмалку 500 илјади мигранти годишно, во следните неколку години, изјави германскиот вицеканцелар Зигмар Габриел.
Вицеканцеларот Габриел рече дека неговата земја може да се справи со ваквиот наплив на бегалци, но тој го повтори повикот на канцеларот Ангела Меркел, упатен до другите земји членки на ЕУ, да преземат дел од мигрантите.
Според Габриел, тоа треба да се направи во една, како што рече, фер распределба на бегалците од Блискиот Исток.
Неговата изјава доаѓа по соопштението на имигрантските власти во Берлин, дека Германија до крајот на оваа годија би можела да се соочи со 800 илјади бегалци и азиланти, што е четири пати повеќе отколку во минатата година.
Британските весници го пренесуваат соопштението на Агенцијата за бегалци на ОН (УНХЦР) за тоа дека напливот на бегалци на југот на Европа продолжува, па се вели дека само вчера, во Македонија влегле рекордни седум илјади сириски бегалци, а на грчкиот остров Лезбос, има 30 илјади луѓе, кои секојдневно се префрлаат од Турција.
Според владата во Атина, ситуацијата на овој остров кој е многу блиску до турскиот брег, грчката Влада и УНХЦР забрзано го зголемуваат бројот на персоналот, што треба да им се најде на услуга на бегалците.
Подготвеноста на Германија да прима по половина луѓе годишно, доаѓа наспроти ветувањето на Велика Британија да прими 20 илјади мигранти во следните пет години и тоа од камповите покрај сириската граница, а не од оние кои веќе се наоѓаат на европскиот континент.
Медиумите во Лондон го пренесуваат германското незадоволсто од односот на партнерите во Унијата, а посебно од земјите во Источна Европа.
Како посебно лош пример се зема однесувањето на владата на премиерот Виктор Орбан, која прво нареди изградба на железна ограда на границата со Србија, а потоа, не дозволуваше бегалците на унгарска територија, дури и да влезат во возовите на станицата во Будимпешта, туку присилно ги префрлаа во пограничниот реон кон Австрија, во бегалски камп.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување