Во Кавадарци изложба по повод 25 години независна Македонија
Изложба по повод 25 години независна Македонија беше отворена денеска во Музејот - галерија во Кавадарци.
Директорот Петре Камчевски информираше дека изложбата ја сочинуваат 20 банери на кои се претставени документи и фотографии од изминатите 25 години, кои го опфаќаат секој сегмент од општествено-политичкиот развој и живот на државата, како што е процесот на осамостојување, првите важни акти, спорт, култура, уметност и слично.
Дора Јурукова од Државен архив на Македонија, соопшти дека на изложбата се претставени најзначајните случувања и моменти од референдумот до денес кои говорат за осамостојувањето на Република Македонија, монетарното осамостојување, формирањето на Македонска војска, полиција, влегувањето во ОН и други значајни случувања.
- Имавме идеја и цел да ги прикажеме сите настани од сите аспекти, не само од политичка гледна точка, туку и од аспект на култура, уметност, наука. Беше навистина интересно да се потсетиме на настаните кои претходеа на осамостојувањето, рече Јурукова.
Пораката е, нагласи таа, се што е вткаено во борбата за осамостојувањето "да не се заборави, да биде поттик, да се бориме, да оставиме нешто за идните наши генерации".
- Имаме со што да се пофалиме. Овде се вредни документи, одлуката за референдум, првите македонски симболи, првите поштенски марки, нашиот национален ансамбл и други значајни документи. Сите ние сме Македонија и заедно ја градиме нашата иднина, додаде Јурукова.
Ново на Сител
-
СДСМ: Загрижува омразата на Мицкоски
-
Зеленски: САД пренасочија 20.000 ракети ветени за Украина кон Блискиот Исток
-
Фицо: Словачка ќе го блокира секој обид за воведување санкции од ЕУ кон Русија
-
Им подавам рака на младите, Македонија има потреба од нивниот ум за да стане подобра држава, порача Мицкоски
-
Литванскиот претседател со критики за германскиот канцелар за неактивност кон Русија
-
Американски медиуми: Припадници на гардата почнаа да пристигнуваат во Лос Анџелес
-
Министерот Муцунски утре во работна посета на Казхстан
-
Првата македонска фудбалска лига се намалува на 10 екипи