Груевски: Реконструирани 450 училишта, уште 60 ќе се обноват годинава
ВМРО-ДПМНЕ во изминатите десет години реконструира над 450 училишта во РМ и вложи над 50 милиони евра во подобрување на образовната инфраструктура во земјава, оцени лидерот на ВМРО-ДПМНЕ Никола Груевкси при денешната посета на Прилеп.
Тој посочи дека постојано се вложуваат големи средства за реконструкција за што е можно повеќе училишта во Македонија.
- Ние имаме континуирани вложувања во реконструкција на училиштата во Македонија. Тоа ни е една од главните активности. Огромен број училишта се веќе реконструирани, а сега започна третата фаза во која се реконструираат последните 20 од предвидените 60 училишта за реконструкција за годинава, изјави Груевски одговарајќи на новинарско прашање.
Прецизира дека во општина Прилеп во изминантите 10 години се реконструирани сите училишта.
- Некаде е променет покривот, некаде подот, некаде целосно училиште, некаде се обновени тоалетите, некаде дограмата... Во Прилеп нема училиште во кое во овие десет години немало поситна или покрупна интервенција односно целосна или делумна реконструцкија, рече Груевски.
Нагласи дека реконструкцијата и обновата на училиштата во Македонија останува една од главните определби во програмата на ВМРО-ДПМНЕ и на Владата.
Ново на Сител
-
Во Скопје се одржа шестата Парада на гордоста
-
Сиљановска-Давкова прими Американци кои се на аџилак во земјава
-
На Табановце од македонска страна се чека околу 30 минути
-
Бугарија има јасен план за воведување на еврото од 1 јануари 2026 година, соопшти бугарската Влада
-
ОЈО: Скопјанец осомничен за семејно насилство, предложен притвор
-
При претрес на началник во полициската станица пронајден солзавец и муниција
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска