Приносите кај житните култури во Дебарско повисоки од лани

На подрачјето на општините Дебар и Центар Жупа годинава добиени се повисоки приноси по единица хектар кај пченицата, јачменот и житната култура тритикале (вид пченица за добиток).

Ова го тврди Лири Делиши, началник на Подрачната единица на Министерството за земјоделство, шумарство и водостопанставо.

- Како и изминатите години, најзастапен е пролетниот јачмен и тоа на 350 хекатри. Кај оваа култура просечниот принос изнесува 2.800 килограми по хектар. Веднаш зад јачменот е пченицата, со 190 хекатри, каде просечниот принос е околу 3 илјади килограми по хектар. Исто така, ожнеани се и 100 хектари со житната култура „тритикале“ вид пченица за добиток, каде приносите се во просек  3.500 килограми, -изјави Делиши.

Според него, овие житни култури застапени се на 640 хектари што е за 40 хектари повеќе споредено со лани. Од вкупно засеаните површини над 80 отсто се во општина Дебар.

Зголемувањето на површините засеани со житни култури, оценува Делиши, е резултат, пред се,  на субвениците кои ги  дава Владата.