Мурињо откри кој бил најемотивниот момент во неговата кариера
Легендарниот Жозе Мурињо имаше многу импресивни победи во својата тренерска кариера, но една од нив има посебно место во неговото срце.
Во интервју за документарната серија на Би-Би-Си „Како да се освои Лигата на шампионите“, поранешниот тренер на Реал Мадрид, Челси, Манчестер Јунајтед и Интер го именуваше мечот што најемотивно го доживеа - реваншот од полуфиналето во Лигата на шампионите во 2010 година, кога Интер ја елиминираше Барселона на Пеп Гвардиола.
По победата од 3-1 во првиот натпревар, „нероазурите“ се најдоа во исклучително тешка ситуација на „Камп Ноу“ откако Тиаго Мота доби црвен картон во 28. минута. Иако Жерар Пике постигна гол за Барса на шест минути до крајот, Интер го одржуваше водството со играч помалку речиси цел натпревар. Крајот на мечот ги ослободи емоциите кај Мурињо, кој упадна во радосен спринт низ теренот.
-Тоа значеше да се победи најдобриот тим во Европа во тоа време. А фактот што речиси никој не веруваше дека тоа е можно даде дополнителна мотивација. Играњето со 10 играчи толку долго го направи овој натпревар апсолутно неверојатен од емотивна гледна точка. Ако треба да изберам еден најемотивен настап на мојот тим во овие 20 години - тоа е тоа, изјави Специјалниот.
Интер потоа го совлада Баерн Минхен со 2-0 во финалето и освои тројна круна во сезоната 2009/2010.
Ново на Сител
-
Приведени двајца скопјани, осомничени за крадење автомобил
-
Косовската претседателка Вјоса Османи доби смртна закана по електронска пошта
-
Заменик-министерот за земјоделство Фљакрон Беџети поднесе неотповиклива оставка
-
Анализа на дописникот на „Скај њуз“ од Москва: Украина и сојузниците ќе бидат разочарани и загрижени за исходот од разговорот меѓу Трамп и Путин
-
Бајден на Х: Ракот сите нè погодува
-
Трамп: Русија и Украина веднаш почнуваат преговори за завршување на војната
-
Путин по разговорот со Трамп: Подготвени сме за работа на меморандум со Украина, вклучувајќи и примирје
-
Папа Лав Четиринаесетти: Момент е за дијалог и градење мостови