Армијата бара 300 нови професионални војници

Министерството за одбрана денеска објави конкурс за прием на 300 нови професионални војници. Право да се пријават имаат сите полнолетни физички здрави државјани на Македонија кои не се постари од 25 години. Потоа, Министерството преку посебни комисии ќе врши селекција меѓу пријавените кандидати.

Од министерството за одбрана ги охрабруваат особено девојките да се пријават на огласот. Оттаму велат дека при вработувањето ќе се води сметка и за правична застапеност на кандидатите.

Платата, според објавените оглас ќе почнува од 500 евра плус уште 200 евра за трошоци за станбено обезбедување.

Од Министерството за одбрана објавија и оглас за 10 подофицери во македонската Армија, а следува и огласот за прием на 60 лица со завршено високо образование во офицерски чин.