Барселона прва стигна до 100 гола: Напаѓачите на Флик најефикасни во Европа

Фудбалерите на Барселона се најефикасниот клуб во Европа, први постигнаа 100 гола оваа сезона. Поточно, на 32 натпревари постигнале 101 гол, пишува „Марка“.

Одбраната на Валенсија беше понижена, седум пати попушти пред каталонските напаѓачи, кои по период на криза повторно наликуваа на казнена експедиција. Каталонците имаат просек од 3,2 гола по натпревар и доколку продолжат со ова темпо, можеби ќе успеат да ги надминат 190-те гола постигнати од најефикасната генерација на Барселона во 21 век.

Имено, во сезоната 2011/12 тимот од клупата го предводеше Пеп Гвардиола, а на теренот беа Лионел Меси, Чави, Иниеста, Бускетс... и постигна 190 гола, во просек 2,9 по меч. Меси таа сезона постигна 73 гола во сите натпреварувања, освојувајќи го Копа дел Реј, Суперкупот на Шпанија, Суперкупот на Европа и Светското клупско првенство. Тој тим стигна до 100 гола на 31 натпревар, а на тимот на Ханси Флик му требаше еден натпревар повеќе.

Блиску зад Барселона оваа сезона се ПСВ со 97 гола на 30 натпревари, Спортинг Лисабон со 89 гола на 33 натпревари, Реал Мадрид постигна 84 пати (33 натпревари), како и Челси (34 натпревари). Ливерпул (34), Баерн (29) и Бенфика (32) постигнаа по 83.

Трите најефикасни екипи во 21 век беа: Барселона 190 гола (2011/12), Салцбург 181 гол (2013/14) и Ајакс 179 (2018/19).