Ворнок: Миовски е најдобриот напаѓач во мојата тренерска кариера
Англискиот 75-годишен стратег Ник Ворнок го нарече Бојан Миовски најдобриот напаѓач во неговата тренерска кариера, откако македонскиот репрезентативец со два гола во саботниот дуел против Бонириг Роуз дојде сезонава до бројката од 22 погодоци и го однесе Абердин во четвртфиналето во шкотскиот Куп.
Комплиментите за Миовски доаѓаат од еден од најискусните англиски тренери кој зад себе има над 1.600 натпревари во елитната англиска лига како поранешен предводник на Шефилд јунајтед, Квинс Парк Ренџерс, Кристал Палас и Кардиф.
„Да бидам искрен, во целата моја тренерска кариера ми недостасуваа напаѓачи. Имав добри голмани, централни дефанзивци и играчи за врска, но никогаш немав напаѓач. Помалку е иронично што во оваа фаза од мојата тренерска кариера го имам веројатно најдобриот напаѓач“, рече Ворнок, кој во понеделникот беше назначен за нов тренер на Абердин.
Миовски на вчерашниот натпревар беше прецизен во 17 и 25 минута што на крајот беше и конечниот резултат со кој Абердин обезбеди пласман во четвртфиналето на Купот на Шкотска.
Миовски од почетокот на сезонава постигна 22 голови во сите натпреварувања во дресот на Абердин, а со 13 голови во шкотското првенство е втор на листата најдобри стрелци.
Ново на Сител
-
Германски генерал: Украина оштети 10 отсто од руските стратешки бомбардери
-
„Куќи на ужасот“ – евакуирани 75 стари лица од нелегални домови во Бугарија
-
Македонија загуби од Финска на отворањето на Златната лига 2025
-
Путин потпиша закон со кој се казнува продажба на енергетски пијалоци на деца
-
Тешка несреќа на патот Скопје-Тетово загина 19-годишна девојка и 3 лица се повредени
-
На српските навивачи нема да им биде дозволено да присуствуваат на натпреварот со Албанија
-
Приведени три лица во Тетово и Гостивар затоа што управувале возила под дејство на алкохол
-
Најтежок руски напад врз градот од почетокот на војната