Украина: Процесот на обука на пилоти Ф-16 започна
Обуката за Украинци да управуваат со американски борбени авиони Ф-16 започна, но ќе трае најмалку шест месеци, а можеби и подолго, рече министерот за одбрана Олексеј Резников, два дена откако американски официјален претставник потврди дека Ф-16 ќе бидат префрлени во Украина по завршувањето на пилотска обука.
Резников во телевизиско интервју рече дека шестмесечната обука се смета за минимум за пилотите, но се уште не е познато колку долго ќе трае обуката на инженерите и механичарите. Украина сака софистицирани воени авиони од американско производство за да се спротивстави на воздушната супериорност на Русија, чии сили ја нападнаа земјата во февруари 2022 година.
– Затоа, за да изградите разумни очекувања, поставете си минимум шест месеци, но не се разочарувајте ако е подолго, изјави тој за Канал 24.
Американски официјален претставник во четвртокот изјави дека Вашингтон одобрил испраќање Ф-16 во Украина од Данска и Холандија за одбрана од Русија веднаш штом ќе заврши обуката за пилоти.
Резников рече дека нема да дава детали за тоа каде и кога се одржува обуката.
Ново на Сител
-
Љутков: Разловечкото востание е темелот на нашата држава, историја што не смееме да ја заборавиме
-
Мицкоски: Трикови околу цените на храната нема да толерираме
-
Лимани: Над 700 вработувања на Албанци имаше кога бев заменик директор на електрани
-
ЕУ со нов 17. пакет санкции против Русија
-
Утре изменет сообраќаен режим на експресниот пат Штип - Кочани
-
Владата го усвои договорот за стратешко партнерство со Обединетото Кралство
-
Најмалку тројца ученици повредени во напад со нож во училиште во Финска
-
Уставниот суд го укина членот кој предвидува при унапредување на обвинителите да се цени и работењето како членови на Советот на ЈО