Германија воведува „лесен локдаун“ од 28 декември
Властите во Германија планираат да воведат „лесен локдаун“ од 28 декември, и покрај прелиминарни планови да не ги заоструваат ограничувањата за вакцинираните и оние кои прележале Ковид-19.
Според порталот Фокус онлајн, кој имал увид во предлогот за новите мерки, тие се очекува да бидат усвоени на утрешната владина седница.
Германскиот канцелар Олаф Шолц и лидерите на 16 германски сојузни покраини утре попладне треба да разговараат за планираните мерки.
Германија планира да ги ограничи приватните собири на максимум 10 лица кои биле вакцинирани или прележале Ковид-19, а истите ограничувања ќе важат и на отворен и на затворен простор, со тоа што децата помали од 14 години ќе бидат изземени од мерките.
Во документот, исто така, се наведува дека во ресторани ќе можат да влезат само луѓе кои можат да обезбедат доказ за вакцинација или прележан Ковид.
Во исто време, Германија ќе обезбеди финансиска поддршка за компаниите и организациите погодени од анти-епидемиските мерки, се вели во документот.
Ново на Сител
-
Љутков: Разловечкото востание е темелот на нашата држава, историја што не смееме да ја заборавиме
-
Мицкоски: Трикови околу цените на храната нема да толерираме
-
Лимани: Над 700 вработувања на Албанци имаше кога бев заменик директор на електрани
-
ЕУ со нов 17. пакет санкции против Русија
-
Утре изменет сообраќаен режим на експресниот пат Штип - Кочани
-
Владата го усвои договорот за стратешко партнерство со Обединетото Кралство
-
Најмалку тројца ученици повредени во напад со нож во училиште во Финска
-
Уставниот суд го укина членот кој предвидува при унапредување на обвинителите да се цени и работењето како членови на Советот на ЈО