Пожарот кај кочански Костин Дол делумно локализиран
Пожарот кај кочанското планинско село Костин Дол делумно е локализиран, но сè уште не е ставен под контрола.
На терен и понатаму се над стотина припадници на Армијата, пожарникари, вработени во ЈП „Национални шуми“ и месно население, кои се обидуваат да го спречат проширувањето на огнот во правец на селото Цера. Силниот ветер, непристапниот терен и сувата вегетација го отежнуваат гаснењето во кое веќе двапати се ангажирани и армиски хеликоптери.
-Пожарот е локализиран на повеќе места, но проблем е гаснењето на северната страна поради специфичниот терен. Главен приоритет е да се спречи ширењето на огнот кон манастирот „Свети Симеон“ и да не се прошири на падините на Осогово во правец на селото Цера. Веќе трет ден луѓето кои интервенираат се на терен, но и покрај нивната физичка исцрпеност, намерата е до крајот на денот да ја ставиме состојбата под контрола, истакна градоначалникот на Кочани, Николчо Илијев.
На итен состанок на Општинскиот кризен штаб беа донесени одлуки за зајакната координација на лицата кои учествуваат во гаснењето и да се забрани движење на граѓани во шумскиот појас освен на оние кои имаат имот на подрачјето зафатено од пожарот.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција