Ѓоковиќ: Сакам да играм во пет сетови против млади тенисери
Најдобриот светски тенисер Новак Ѓоковиќ оцени оти неговата физичка подготвеност и искуство биле решавачки да ја надомести негативата од 0:2 во сетови против 19-годишниот Италијанец Лоренцо Музети и да избори вечерва пласман во четвртфиналето на Ролан Гарос.
Музети, кој го играше своето прво осминафинале на грен-слем турнирите во кариерата, ги реши во своја корист воведните два сета со по 7:6. Српскиот тенисер со два експресни сета (6:0, 6:1) го израмни резултатот на 2:2 и поведе со 4:0 во решавачкиот сет, кога Музети го предаде натпреварот.
– Повеќе бев нервозен пред почетокот на натпреварот, отколку кога бев во негатива од 0:2. Искрено дури и ми се допаѓаше тоа што ги загубив воведните два сета. Победив на најголем број од натпреварите во пет сетови што ги имам играно на овој турнир и воопшто во кариерата, и мислам дека тоа искуство ми помага, изјави Ѓоковиќ.
Најдобриот светски тенисер во четвртфиналето на грен – слем турнирот во Париз за противник ќе има уште еден Италијанец, Матеа Беретини.
Ново на Сител
-
Лекари: Ракот на Бајден е неизлечив, но има добри вести
-
Од што боледува Бајден, кои се неговите опции за лекување?
-
Управниот суд ја поништи одлуката за избор на Елизабета Дуковска за уставен судија
-
Пожарот во викендицата на Пандов бил нарачан
-
Клековски би прифатил да биде министер за здравство, но со соодветна замена во ФЗО
-
Ивановски: Имаме желба за изградба на пругата кон Бугарија, но нема соодветен одговор од другата страна
-
Поскапуваат горивата
-
Пожар во угостителски објект во Лисиче, сопственикот пренесен во болница