12 земји на ЕУ се уверени дека ќе достигнат 70 отсто имунизирани до средината на јули
Најмалку 12 земји во Европската унија изразија уверување дека ќе можат да вакцинираат 70 отсто од полнолетното население до средината на јули. Тоа го изјави еврокомесарот за внатрешен пазар, Тиери Бретон, пред ирската парламентарна комисија.
Европската комисија постави цел да се вакцинираат 70 отсто од полнолетните во ЕУ до крајот на летото, очекувајќи големо зголемување на резервите на вакцини со цел да се помогне во забрзувањето на имунизацијата.
– Уверени сме дека ќе можеме да испорачаме доволно дози, но исто така е точно дека на земјите-членки е да се организираат за да бидат подготвени за ова. Денес, можам да кажам дека имаме најмалку 12 земји-членки кои изјавија дека се целосно согласни со таа бројка од 70 отсто. Овој број се зголемува секојдневно, истакна Бретон.
Еврокомесарот не прецизираше за кои 12 земји-членки станува збор и кои држави се помалку сигурни во достигнувањето на прагот од 70 отсто.
Ново на Сител
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок
-
Американскиот суд го ослободи Асанж по спогодбата за признавање вина
-
Русија и Украина разменија по 90 затвореници
-
Претпладне сончево, попладне пороен дожд, грмежи и силен ветер