Убиен поранешен ММА борач во Ново Мексико
Поранешниот ММА-борач Тајлер Ист бил застрелан со огнено оружје и убиен вчеравечер во Ново Мексико (САД), соопшти полицијата. Тој имаше 30 години.
Како што соопштија надлежните, полицијата синоќа одговорила на повик за семејно насилство во предградието на Албукерки – Лос Лунас. Кога полицајците пристигнале, го пронашле Ист мртов, и уште една жена со прострелна рана.
Според првичните сведоштва, Ист ја застрелал својата девојка и ја извлекол од куќата, пред неидентификуван маж да пука во него, по што спортистот починал. Осомничениот за убиството на Ист избегал од местото пред пристигнувањето на полицијата.
Жената, чие име не се соопштува, е згрижена во болница и е во стабилна здравствена состојба.
Инаку, Тајлер Ист беше познат во борбите во тешка категорија. Неговата последна борба беше во Легаси ФЦ 60, 2016 година. Тој му беше брат на поранешниот борач Коди Ист. Тајлер лани бил уапсен, под обвинение дека украл пари од банкарската сметка на неговиот мртов дедо и, за спротивставување при апсење. Според „ММА Џанки“, тој бил повеќепати пријавуван и за семејно насилство.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера