Ирачките демонстранти го запалија иранскиот конзулат во Наџаф
Антивладините демонстранти во ирачкиот град Наџаф вчера го запалија иранскиот конзулат во овој град, а силите за безбедност во другите делови од земјата убија шестмина демонстранти, соопштија ирачки официјални претставници.
Силите за безбедност користеле боева муниција врз демонстантите, јавија американските медиуми.
Во светиот шиитски град Наџаф е убиен еден демонстрант, а најмалку 35 лица биле повредени кога полицијата пукала со боева муниција врз демонстрантите за да ги смречи да влезат во зградата на иранскиот конзулат, изјави претставник на полицијата.
Демонстрантите го симнале иранското знаме од зградата на конзулатот и го замениле со ирачкото. Припадниците на персоналот на конзулатот не се повредени и успеале да побегнат од зградата. Властите во Наџаф воведоа полициски час.
Овој инцидент ја означува ескалацијата на демонстрациите кои од 1 октомври го потресуваат Багдад и поголемиот дел од јужен Ирак, кој доминантно е шиитски.
Демонстрантите ја обвинуваат владата, предводена од шиитите, дека ја штити корупцијата, и го истакнуваат незадоволството заради лошите услуги на јавните служби и високата невработеност.
Ново на Сител
-
Навивачи на АЕК предизвикаа инцидент во финалето против Алкалоид
-
Зеленски му испрати писмо на Трамп со предлози за соработка во областите на одбраната и трговијата
-
Алкалоид го совлада АЕК во првиот натпревар од финалето во ЕХФ Европскиот куп
-
Во амбасадата во Пекинг одбележан Денот на сесловенските просветители „Свети Кирил и Методиј“
-
Мицкоски за договорот со В. Британија: Ниту било побарано од мене, ниту ми паднало на памет градење мигрантски кампови
-
Папата Лав Четиринаесетти го прими Зеленски
-
Зеленски се сретна во Венс и Рубио во Рим
-
Скопјанец ограбил казино и ја нападнал вработената