Кичевец осомничен за обид за силување на две сестри
Основното јавно обвинителство Гостивар донесе наредба за спроведување истражна постапка против едно лице од Кичево осомничено дека сторило кривично дело силување.
– Ценејќи дека се исполнети законските основи, надлежниот јавен обвинител до судијата на претходна постапка од Основниот суд Гостивар достави и предлог за определување мерка притвор за осомниченото лице. Судијата го прифати предлогот и на осомничениот му определи притвор во траење од 30 дена, соопшти денеска Јавното обвинителство на РС Македонија.
Осомничениот 22-годишник, на 22 октомври, со употреба на сила и закана дека непосредно ќе нападне врз животот и телото на една оштетена, се појаснува во соопштението, се обидел да ја присили на обљуба. Тој најпрво ја следел оштетената 18-годишна девојка која, заедно со нејзината малолетна сестра, се движела по импровизиран дрвен мост кон нивниот дом во Кичево.
– Кога пристигнале спроти платото на товарната железничка станица осомничениот им се приближил и се обидел да изврши обљуба. Оштетената и нејзината сестра неколкупати го удриле и успеале да побегнат, а настанот го пријавиле во полициска станица, стои во соопштението.
Ново на Сител
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час
-
Единаесет грански синдикати во КСС нема да протестираат по повод Меѓународниот ден на трудот
-
Девојче со тешки телесни повреди пренесено во прилепската болница
-
Вметнувани страници во пасош, приведен швеѓанин на Табановце