Во тек е пријавувањето за планинарскиот марш „Голак 2019“
Во тек е пријавувањето за традиционалниот планинарски марш „Голак 2019“ кој Планинарскиот спортски клуб „Голак“ во соработка со Федерацијата на планинарски спортови на Македонија и Општина Делчево годинава ќе го организира по 5-ти пат.
За учество на планинарскиот марш кој ќе се одржи на 25 август оваа година, како што информираше претседателот на ПСК „Голак“, Љупчо Чучуковски, заинтересираните ќе можат да го потврдат своето учество најдоцна до четврток, 22 август 2019.
-Ова е 5-ти традиционален планинарски марш кој ќе се реализира во должина од 12 километри со висинска разлика од околу 1000 метри. Маршрутата на движење ќе започне од град Делчево на 595 метри надморска висина, потоа продолжува преку манастир Св.Богородица Балаклија месноста Трајанов Рид, Долна Богданица, Стари Голак, Спортски Терен, па се до врво Чавка и манастирот Св.Пантелејмон кој се наоѓа на врв Мала Чавка на 1508 метри надморска висина и обратно, информира Чучуковски.
Поради поубав панорамски поглед кон градот Делчево и Пијанечката котлина, како што додава Чучуковски можно е патеката да биде променета.
-Патеката во еден правец е долга 12 км,со висинска разлика околу 1000 метри и истата се искачува за 3 часа и 30 минути, а се слегува за 2 часа и 30 минути. Истата е маркирана и добро позната на организаторот, бидејќи е помината многу пати и истата оваа година е дел од првата трансферзала во брегалничкиот регион Голак-Плачковица. Се минува низ дабова, букова, габерова и борова шума, додава Чучуковски.
За учество на настанот присуството може да се потврди на социјалните мрежи, а од ПСК „Голак“ очекуваат околу 200 планинари да земат учество на најмасовниот планинарски настан во Делчево.
Ново на Сител
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан
-
Турски државјанин пронајден мртов во Скопје
-
MВР: Пронајдена метална кутија со 151 куршум