Вознемирувачко: Гнасно убиство во пренос во живо - Новинар снимаше искршен банкомат, го покоси куршум во глава
Новинар од Никарагва е убиен во текот на јавување во живо од насилните антивладини протести.
Анхел Гаона се јавувал во живо од крајбрежниот град Блуфилдс, на југот на земјата, кога се слушнал истрел и тој паднал на земја крварејќи од главата, покажуваат снимките.
Тој го опишувал уништениот банкомат додека го снимал со телефон, а камерманот снимал зад него. Според локалниот весник Ел нуево диарио, тој настанот го пренесувал во живо на Фејсбук.
Истрелот го прекинал неговото јавување и Гаона паднал низ скалите пред зградата. Додека лежел, луѓето го извикувале неговото име и потрчале да му помогнат.
Според локалните медиуми, новинарот подоцна починал, а уште не е јасно кој пукал во него.
Никарагванскиот весник Ла Пренса наведува дека на тоа место вооружени биле само полицијата и групите кои се борат против демонстрантите.
Да потсетиме, во Никарагва веќе неколку дена се одржуваат демонстрации против плановите на владата да ги намали пензиите и работничките права, а во нередите загинаа најмалку 10 луѓе.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава