Сириската армија навлезе во клучниот град во Источна Гута

Припадници на сириската армија навлегов во градот Хамурија, кој е клучно населено место во регионот на Источна Гута, што е под контрола на повеќе бунтовнички групи.

Според Сирискиот центар за мониторинг на човековите права, владините сили ја нападнале Хамурија и воспоставиле делумна контрола врз градот, кој се наоѓа во јужниот дел на бунтовничката енклава.

Сириската армија на 18 февруари започна офанзива врз реонот на Источна Гута, која е последна територија во близината на Дамаск контролирана од сириските бунтовници.

Областа на Хамурија, која е под контрола на групата Фајлак ал Рахман, последниве денови беше изложена на жестоки напади на владините сили. 

Според хуманитраните организации, од почетокот на сириската офанзива, во Источна Гута загинале над 1.220 цивили.