Во Гостиварско блокирани патишта и поплавени куќи од надојдените водотеци
Временските услови во изминатово деноноќие проследени со наглото топење на снегот и врнежите од дожд во гостиварскиот регион, предивикаа проблеми во некои делови од општината. Регионалниот патен правец Гостивар-Србиново од синоќа е во прекин. Во близина на селото Лакавица на коловозот се срушила поголема количина од земја и дрвја.
Градежна механизација веќе работи на расчистување и се очекува до пладне да биде ослободена една коловозна лента, а според најавите во текот на денот, коловозот да биде прооден во обата правци.
Според информациите на локалниот Центар за управување со кризи (ЦУК) и СВР Тетово, проблеми во одвивањето на сообраќајот имало и на локалниот пат Чегране-Тумчевиште, кад сообраќајот поради излевање на вода од околните водотеци се одвива со потешкотии. Под закана од поплавување се и неколку куќи во селото Форино кои се близу до Вардар.
Најдојдениот Вардар, синоќа предивикал и поплавување на десетина куќи селото Балиндол, а заради опасност од излевање на вода од каналот за наводнување под закана се и двесетина куќи во населбата Бањешница.
Нивото на Вардар низ полошкото поле е зголемено и постои опасност од излевање во околните ниви.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година