Театарски маратон во Велешкиот театар
На двете сцени на театарот „Јордан Хаџи Константинов-Џинот“ во Велес вечер ќе се одржува театарски маратон со три хит претстави од репертоарот.
Маратонот ќе почне во 20 часот со претставата „Театар љубов моја“ од бугарскиот автор Валери Петров, во режија на Деан Дамјановски, во која настапуваат актерките Кица Ивковска, Зорица Панчиќ, Кети Борисовска и Талија Настова. „Театар љубов моја“ е претстава за четири актерки од различни генерации, четири различни биографии и сензибилитети на сцената.
Во 22:30 часот ќе биде изведена претставата „Синиот портокал“ од британскиот автор Џо Пенхол, во режија на Александар Ивановски, со актерите Самоил Стојановски, Фаик Мефаилоски и Жарко Спасовски. „Синиот портокал“ е драма за современата психијатрија, за застарените методи на лекување и беспомошноста на докторите да ги лекуваат своите пациенти без седативи.
Од 1 часот по полноќ е најавена претставата „Шумата на моето дрво“ по текст на Сашо Димоски, во режија на Александар Иавновски, во која настапуваат актерот Васил Зафирчев и музичарот Сашко Костов.
- Претставата е ноќна одисеја низ стомакот на една шума која умира, на еден човек што се обидува да најде смисла во својот живот и во својот статус како туѓинец, соопшти Велешкиот театар.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка