Поранешниот германски канцелар Герхард Шредер има нова љубов

Поранешниот германски канцелар Герхард Шредер има нова љубов, јавија германски медиуми. Неговата нова партнерка е Јужнокорејката Сојеон Ким (48).

Шредер (73), поранешен лидер на СДП зад себе има четири бракови, објави весникот „Билд“.

Неговата сопруга Дорис Шредер Копф, од која се раздели минатата година, објави на Фејсбук дека сега најверојатно и законски ќе побара развод од него.

И таа има свој нов партнер - Борис Писториус, министер за внатрешни работи од СДП во централната германска држава Долна Саксонија.