Околу 5200 основци ја почнаа новата учебна година во општина Кисела Вода
Во осумте основни училишта во општина Кисела Вода за околу 5.200 ученици денеска почна новата учебна година. Првпат во училишните клупи седнаа 616 првачиња.
Честитајќи им го почетокот на новата учебна година, од општина Кисела Вода истакнуваат дека во изминатиот период реализирани се повеќе проекти со кои се обезбедени подобри услови за учениците.
Во соопштението од општината се посочува дека основците од ООУ „Невена Георгиева - Дуња“ добиле нов училишен објект и енергетски обновена спортска сала, а изграден е и нов училишен објект за ООУ „Рајко Жинзифов симбол на кинеско - македонското пријателство“, во кое се започнати градежните активности за изградба на нова училишна спортска сала. Целосно е реновирано централното основно училиште „Круме Кепески”, реновирано е подрачното основно училиште „Круме Кепески” во Припор и отворена е првата детска градинка „Стапалче“ во Припор. Темелна реконструкција е извршена и во Подрачното основно училиште „Кузман Јосифовски Питу” во населбата Црниче, каде е изградено и повеќенаменско игралиште, а реконструкција е извршена и во ООУ „Кузман Шапкарев“ во населбата Драчево.
За поголема безбедност на учениците извршено е и повторно обележување на пешачките премини пред училиштата и градинките.
Ново на Сител
-
Тројца мажи осудени за обид за уцена на семејството на Михаел Шумахер
-
Зеленски: Имав значаен разговор со Трамп, заеднички работиме на крај на војната
-
Храната како психолошка зависност | Теодора Делиќ | Личен Развој | Sitel Podcast 082
-
Србија: Уапсени 15 лица, меѓу кои и градоначалникот на Обреновац поради злоупотреби во јавни набавки
-
Трамп разговараше со Зеленски веднаш по разговорот со Путин
-
Врнежи од снег на планинските превои, да се вози внимателно
-
Амбасадорот на Саудиска Арабија: Нема алкохол на Светското првенство во 2034 година
-
Инцидент на дива депонија во Шуто Оризари: Инспектор од Град Скопје пријавил закани од градоначалникот