Шулц побара останување на Грција во еврозоната
Претседателот на Европскиот Парламент, Мартин Шулц, денеска се изјасни за останување на Грција во еврозоната, откако во неделата за германско радио кажа дека на Атина може да и се наметне да воведе друга валута, доколку Грците на референдумот ги отфрлат строгите услови за финансирање на нивната спасувачка програма, пренесе БТА.
Шулц пред новинарите во Стразбур изјави дека, според него, грешат оние кои сакаат да ја расцепат еврозоната.
-Моето лично мислење е дека нашата цел не може да биде Грекзит, изјави тој.
Во одговор на новинарско прашање тојк посочи дека никогаш не повикувал на оставка на грчкиот премиер Алексис Ципрас или на грчката Влада.
Во интервју за весникот „Ханделсблат“, објавено пред референдумот во Грција, Шулц изрази надеж дека, Грците ќе кажат „да“ на очекувањата на кредиторите, потсети ТАСС.
- Тогаш Ципрас, според мене, треба да поднесе оставка и неизбежни ќе бидат нови избори, изјави шефот на ЕП, дополнувајќи дека, сепак, ќе има техничка преодна влада, така што преговорите ќе можат да бидат обновени.
„Ако преодната влада најде прифатливо решение со кредиторите, тогаш времето на СИРИЗА ќе помине“, рече Шулц, имајќи ја предвид владеачката коалиција на радикалната левица.
Ново на Сител
-
Прекин на сообраќајот на автопатот Прилеп – Битола порди сообраќајка
-
Изречени казни од над 350.000 евра за неправилности на плажи во Грција
-
Филков - Гир: Спроведувањето на реформската агенда приоритет на државата
-
Израелската војска ги повика Палестинците да се евакуираат од неколку населби на градот Газа
-
Перински: Јавниот повик за општините веднаш по ребалансот на Буџетот, на располагање ќе ги имаат првите 100 милиони евра
-
Оливер Зафировски назначен за директор на Клиниката за пулмологија и алергологија во Скопје
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО