Ниски температури низ Македонија - еве каде беше најстудено утрово

 Најниска температуира од -5 степени целсиусови утрово е изменерена во Маврово и Лазарополе, а највисоката од 5 степени над нулата во Гевгелија.

Како што соопшти УХМР, температура од -4 е измерена во Тетово, Скопје Петровец, Битола, Берово, -3 во Струмица, Д. Капија, -2 во Прилеп, Штип, Крушево, -1 во Крива Паланка, Куманово, Пожаране, Скопје, 0 Претор, 1 Охрид, Ѓуриште, Виница, Тополчани и 4 степени во Дојран.

Времето денеска ќе биде претежно сончево и релативно студено со слаб северен ветер. Температурата ќе достигне од 8 до 15 степени. 
Во Скопје сончево со температура до 13 степени.

И утре ќе се задржи претежно сончево со студено утро и нешто потопло преку денот. Во петок ќе има зголемување на облачноста, а во вечерните часови ќе има услови за слаб локален дожд, пред се во северните делови. За време на викендот ќе биде сончево со умерена облачност.