Нисан очекува рекордна годишна загуба од 4,5 милијарди американски долари
„Нисан мотор“ денеска процени дека ќе забележи најголемата годишна деловна загуба во својата историја и дека продажбата на возилата ќе падне за 16 проценти, додавајќи дека пандемијата на коронавирусот ги спречува напорите да се направи пресврт во бизнисот.
Вториот по големина производител на автомобили во Јапонија предвидува дека загубата во работењето ќе достигне 470 милијарди јени (4,5 милијарди американски долари), што е значително над проценката на аналитичарите анкетирани од компанијата „Рефинитив“, кои предвидуваа загуба од 262,8 милијарди јени.
Ова е втора година по ред со негативен финансиски резултат за Нисан.
Компанијата соопшти дека предвидува пад на приходите од 20 проценти, на 7,8 трилиони јени.
Глобалната продажба на возила „Нисан“ падна за 48 проценти, на 643.000 единици, во кварталот кој заврши во јуни, при што продажбата во Северна Америка, главниот пазар на јапонската компанија, е преполовена, додека продажбата во Кина падна за 40 проценти.
Ново на Сител
-
ЦУК: Активни три пожари, под контрола четири, изгаснати 31
-
Украина и Русија меѓусебно се обвинија за воздушни напади во текот на ноќта на граничните области
-
Петмина затвореници побегнаа од строго чуван затвор во Португалија
-
Граничниот премин Калово меѓу Македонија и Србија денеска ќе биде отворен до 22 часот
-
Честитка од претседателот на СПМ Љупчо Димовски по повод 8 Септември
-
Честитка од министерот Мисајловски по повод Денот на независноста
-
Честитка од Сиљановска Давкова по повод 8 Септември
-
На ГП од македонска страна нема подолги задржувања з влез и излез од државава