Украина и Русија меѓусебно се обвинија за воздушни напади во текот на ноќта на граничните области
Украина и Русија денеска меѓусебно се обвинија за воздушни напади во текот на ноќта на граничните области.
Украинските официјални претставници изјавија дека две лица загинале, а четворица биле повредени во областа Суми, додека Русија соопшти дека тројца цивили се повредени во областа Белгород.
Две деца се меѓу повредените во градот Суми, објави локалната украинска воена администрација на „Телеграм“. Неколку станбени згради и автомобили се оштетени, се вели во соопштението.
Од другата страна на границата, во југозападната руска област Белгород, тројца цивили, вклучително две деца, биле повредени во украински воздушен напад, напиша гувернерот на областа Вјачеслав Гладков на „Телеграм“.
Гладков исто така изјави дека се уништени две станбени згради, а повеќе од 15 други објекти се оштетени.
Украинските воздушни сили соопштија дека противвоздушната одбрана на Украина уништила 15 од 23 дронови и една наведувана ракета, лансирани од Русија во текот на ноќта, се вели во објавата на „Телеграм“. Според нив, два дрона и три руски ракети не стигнале до своите цели. Дроновите најверојатно биле пресретнати од украинските електронски системи за противвоздушна одбрана, се додава во соопштението.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје