Нема хоспитализирани ковид пациенти во инфективното одделение во Дебар
Во инфективното одделение при Општата болница во Дебар за првпат, по неговото отворање на 11 ноември минатата година, нема хоспитализирани ковид пациенти.
-Ова секако е повеќе од добра вест. Немаме пациент хоспитализиран во Инфективното одделение. Кога го отворивме имаше седум ковид пациенти а во одредени периоди имаше речиси целосна исполнетост на капацитетот, од 20 болнички легла. Исто така немаме пациент од нашето подрачје на лекување во здравствена установа во Скопје, изјави за МИА, Баки Алили директор на болницата.
Според него со дневна терапија, односно амбулантски се лекуваат осум пациенти а девет од вкупно 17 активни на болеста се лекуваат во домашни услови.
Оценува дека состојбата пополека се стабилизира на што наведуваат и официјалните податоци дека во изминатите денови од овој месец се регистрирани само десет новозаразени, додека во списокот на оздравени се внесени 35 лица.
-Сепак не треба да се опуштиме, зашто битката со невидливиот непријател се уште не е извојувана. Апелирам до сите сограѓани и деловни субјекти и понатаму строго да се почитуваат пропишаните мерки и протоколи, порачува Алили.
Од почетокот на пандемијата, во двете општини, регистрирани се 804 позитивни случаи, активни на болеста се 17 а починале 35 лица.
Алили исто така информираше дека при крај се активностите околу изградбата на централен систем за кислородна подршка, во делот кај инфективното одделение, кое вообичаено функционира како интерно одделение а продолжува и опремувањето на модуларната болница, која се наоѓа во кругот на болницата.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот