НБА: Милвоки поведе против Торонто
Кошаркарите на Милвоки бакс водат со 1-0 во финалната серија, во Источната конференција во НБА-лигата. Тие пред своите навивачи го победија Торонто репторс, 108:100.
Торонто репторс направи од готово вересија во Милвоки. Играчите на Торонто имаа предност во најголемиот дел од натпреварот, водеа со 12 поени во еден момент, но нивната игра се распадна во финишот.
На три и пол минути до крајот Репторси имаа предност, 98:100, но до последниот звук на сирената не постигнаа ниту еден кош, а примија десет.
Центарот на Бакс Брук Лопез го одигра најдобриот меч во кариерата, во плеј-офот со 30 поени го предводеше својот тим до победата. Јанис Адетокумбо забележа 24 поени, 14 скока, 6 асистенции и 3 блокади, а Малком Бронгдон уфрли 15 поени.
Најефикасен кај Торонто беше Каваи Ленард со 31 поен, но немаше никаков ефект во последната четвртина. Во второто полувреме Кајл Лаури играше речиси сам, на крајот имаше 30 поени.
Наредниот меч од серијата се игра в сабота од 2:30 часот.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка