НБА: Филаделфија славеше кај лидерот на истокот

Никола Јокиќ и Лука Дончиќ забележаа по трипл-дабл во победите на своите тимови, во ноќта која ја обележа шутерската пресметката помеѓу Демар Дерозан и Џоел Ембид.

 

Филаделфија Севентисиксерс забележаа победа во Чикаго 119:108. Во моментов лидерот во МВП трката, Џоал Ембид, го предводеше својот тим до победата со 40 поени и 10 скока.

 

На спротивната страна Дерозан забележа 45 поени, девет скока и седум асистенции.

 

Ембид доби помош од Тобајас Херис (23 поени) и Тајрис Мекси (16) поени, а Дерозан од Никола Вучевиќ (23 поени, седум скока, пет асистенции).

 

Чикаго е втор на Истокот со 33 победи и 20 порази, а Филаделфија се искачи на четвртото место со 32 победи и 21 пораз.

 

Денвер нагетси во второто полувреме го декласираа десеткуваниот Бруклин. Денвер славеше со 124:104. Никола Јокиќ забележа 27 поени, 12 скока и 10 асистенции. За српскиот центар ова беше 71.трипл-дабл во кариерата.

 

Нетс во второто полувреме постигнаа само 29 поени. Најефикасен беше Кајри Ирвинг со 27 поени.

 

 

Далас маверикс ги победија Атланта хокс со 103:94. Лука Дончиќ и покрај проблемите со личнте грешки (направи четири во првото полувреме), оствари трипл-дабл од 18 поени, 10 скока и 11 асистенции.