Наредната недела почнува вакцинацијата против грип

Над 14 000 граѓани за три дена се пријавиле за вакцинација против сезонскиот грип. Имунизацијата според најавите на здравствените власти треба да почне наредната недела а сите пријавени ќе добиваат смс порака кога и каде треба да се јават за вакцинирање. Според бројките интересот е голем а на располагање има 70 000 вакцини кои се бесплатни за ризичните групи во кои влегуваат постари од 65 години, лица со хронични заболувања, трудници, здравствени работници. Оваа сезона вакцината е четиритипна и како што велат лекарите е најефикасно средство за превенција.

-Знаеме дека може да имаме сезони на грип кои можат да бидат прилично тешки за пребродување и може да имаме голем број на пациенти. Затоа вакцинацијата ќе даде солидна заштита од тешка форма на болеста, хоспитализации и смртни случаи кои знаеме дека секоја година ги бележиме како резултат на заболување со грип и болести кои наликуваат на грип, вели д-р Злате Мехмедовиќ, портпарол на Комисија за заразни болести.

Според извештајот на Институтот за јавно здравје, сезона на грип почна. Од 30 септември до 6 октомври регистрирале 25 пријави на заболени од грип или болести слични на вирусот. 8 од нив биле постари лица над 65 години а 3 се деца. Најмногу пријавени има во Гостивар, тетово, Кавадарци и еден случај во Струмица.